Манай байгууллагыг сонгон үйлчлүүлсэн таньд баярлалаа.        
Нэвтрэх

Микробиологийн лаборатори нь бүх төрлийн хүнсний түүхий эд, өргөн хэрэглээний бүтээгдэхүүн, ус, ахуйн хэрэглээ, гоо сайхны бүтээгдэхүүний үйлдвэрлэл, тээвэрлэлт, хадгалах, худалдаалах явцад бий болсон хүний биед эмгэг төрүүлэгч бичил биетнийг илрүүлэх, тодорхойлох, эрүүл ахуйн чанар, аюулгүй байдлын шинжилгээ мөн эмнэлгээс шалтгаалах халдвар, паразитологи, биотуршилт, молекул биологийн шинжилгээг хийх зорилго бүхий цогц лаборатори бөгөөд нийт үндсэн 9 нэгж лабораторитойгоор үйл ажиллагаагаа явуулж байна. Мөн тэжээлт орчин бэлтгэл, ариутгал, устгал, угаалга, дээж хүлээн авах дэд нэгжүүдтэй.

Тус лаборатори 2003, 2006, 2009, 2012, 2016, 2019 болон 2023 онд Монгол Улсын Үндэсний итгэмжлэлийн байгууллагаар итгэмжлэгдсэн.

FEPAS, LGC AXIO зэрэг олон улсын байгууллагуудын ур чадвар үнэлэх тестэнд 2008 онд Salmonella spp, 2010 онд Listeria monocytogenes, 2012 онд E.Coli O157 EHEC, 2014 онд Enterobacter sakazakii, 2016 онд Salmonella thypimurium, 2019 онд E.Coli O157 STEC, 2023 онд E.Coli O157 EAEC илрүүлэх шинжилгээг тус тус гүйцэтгэн “Хангалттай сайн“ үнэлгээтэй оролцсон.

Хүнсний эрүүл ахуй, чанар аюулгүй байдлын стандарт үзүүлэлтүүдийн дагуу экспорт, импорт, дотоодын хүнсний түүхий эд, бүтээгдэхүүн, ундаа жүүс, сав баглаа боодолд эмгэг төрөгч болон эрүүл зүйн бохирдуулагч бактерийг илрүүлэх, ялган дүйх, биохимийн болон ийлдэс судлалын аргаар баталгаажуулах шинжилгээг хийх зориулалттай лаборатори юм. Хүнсний түүхий эд бүтээгдэхүүн, хүнсний сав багаа боодол зэрэг нийт 63 нэр төрөлд 145 үзүүлэлтээр уламжлалт болон орчин үеийн арга аргачлалын дагуу шинжилгээг хийж, 24-120 цагийн хугацаанд үр дүнг гаргаж байна.

Ундны цэвэршүүлсэн ус, төвлөрсөн болон төвлөрсөн бус систем (гол, мөрөн, булаг, шанд, худаг)-ын ус, бохир ус, хөрсний эрүүл зүйн үзүүлэлт бүхий бичил биетэн болон эмгэгтөрөгч бактерыг илрүүлэн, 4-9 үзүүлэлтээр шинжилгээг хийж, 48-96 цагийн хугацаанд үр дүнг гаргаж байна.

Импорт, экспорт, дотоодын бүх төрлийн хүнсний түүхий эд, бүтээгдэхүүний хадгалалт, тээвэрлэлтийн явцад бий болсон хөгц мөөгөнцөр мөн хуучин хувцас, гутал эд зүйлс болон тасалгааны агаар дахь бохирдуулагч хөгц мөөгөнцрийг илрүүлж, таньж тодорхойлон 24-168 цагийн хугацаанд шинжилгээг хийж, үр дүнг гаргаж байна.

Эмнэлэг, аж ахуйн нэгж байгууллагын өрөө тасалгааны агаар, багаж тоног төхөөрөмж, эд материалын гадаргуугийн арчдасын шинжилгээ, ариутгасан материалд үндэсний стандарт арга аргачлалын дагуу эрүүл зүйн болон аюулгүйн 4-9 үзүүлэлтээр шинжилгээг хийж, 48-96 цагийн хугацаанд үр дүнг гаргаж байна. Мөн люминометр багажаар гадаргуугийн арчдасны эрүүл ахуйн хяналтын хийж, SAS SUPER ISO100 багажийг ашиглан тасалгааны агаар дахь бактери, хөгц мөөгөнцрийн тоог тодорхойлон, төрийн болон хувийн хэвшлийн байгууллагууд, эмнэлэгүүдтэй гэрээгээр хамтран ажилладаг.

Тус лаборатори нь экспорт, импорт, дотоодын хүнсний бүтээгдэхүүнд үе хөлтөн, шавж илрүүлэн төрөл зүйлийг нь тодорхойлж, мөн ахуйн болон гоо сайхны бүтээгдэхүүний арьс салст цочроох нөлөөллийг тогтоох, мөн хөрс, усанд иммуноферментийн аргаар эмгэг төрөгч эгэл биетэн тодорхойлох үйл ажиллагаа явуулж байна.

Мал, амьтны гаралтай хагас боловсруулсан мах, сүү, сүүн бүтээгдэхүүн, хоол хүнсэнд уламжлалт болон багажит шинжилгээг үндэсний стандарт арга аргачлалын дагуу хийж 10-16 үзүүлэлтээр хийдэг. Мөн хоолны хордлого, гомдлын дээжид стафиллококкын энтеротоксин, эширихиа колийн веротоксин болон шигатоксины шинжилгээг иммуноферментийн (ELISA) аргаар тодорхойлж байна.

Импортын болон дотоодын гоо сайхан, ахуйн хэрэглээний бүтээгдэхүүнд эрүүл зүй, чанар аюулгүй байдлын шинжилгээг итгэмжлэгдсэн 6-8 үзүүлэлтүүдийн дагуу бичил биетнийг илрүүлэх, ялган дүйх зориулалттай лаборатори юм. Мөн ариутгал халдваргүйтгэлийн бүтээгдэхүүнд бичил биетэн устгах чадварын шинжилгээг лавлагаа стандарт өсгөвөрүүд ашиглан 6 үзүүлэлтээр тодорхойлж байна.

Хүнсний түүхий эд, төмс, хүнсний ногоо, жимс, жимсгэнэд шилжмэл ген буюу хувиргасан амьд организмыг илрүүлэх шинжилгээг үндэсний болон олон улсын стандарт арга аргачлалын дагуу гүйцэтгэхийн зэрэгцээ хоолны хордлогот халдвар үүсгэгч бичил биетнүүдийг молекул биологийн аргаар тодорхойлох, лавлагаа өсгөврүүлдийг баталгаажуулах шинжилгээг хийж байна.

Хүнсний бүтээгдэхүүнд 11 үзүүлэлтээр шинжилгээ хийж, 6 цагаас 2 хоногийн хугацаанд үр дүнг гаргах боломжтой. Уг лаборатори нь бүтээгдэхүүний үйлдвэрлэл, тээвэрлэлт, хадгалалтын явцад бий болсон өвчин үүсгэгч болон бохирдуулагч бичил биетэнг орчин үеийн шинжилгээний түргэвчилсэн аргаар хийж гүйцэтгэдэг. Тус лаборатори нь дараах сүүлийн үеийн багаж, тоног төхөөрөмж, арга аргачлалаар шинжилгээг хийж гүйцэтгэж байна.
Vitek 2 Compact. Грам сөрөг 159, Грам эерэг 133, хөгц мөөгөнцрийн 50, спор үүсгэгч 46, нейстер гемолифилусын 26, нийт 404 бичил биетэнг тодорхойлох чадвартай бүрэн автомат багаж юм.
Mini Vidas. Бүх төрлийн бүтээгдэхүүнд Salmonella, L.monocytogenes, E.coli O157 зэрэг бичил биетэнг богино хугацаанд 45 минутанд илрүүлэх иммуно-анализатор багаж юм.
ХОЛБОО БАРИХ

  • Шуудангийн хаяг:

    Улаабаатар хот, Хан-Уул дүүрэг, Чингисийн өргөн чөлөө - 75, 17042

  • Утасны дугаар:

    +976 7000 5972

  • Факс:

    +976 7000 5972

  • Имэйл хаяг:

    labinfo@nrl.gov.mn

Зохиогчийн эрх © 2023 | Хүнсний Аюулгүй Байдлын Үндэсний Лавлагаа Лаборатори.

# #